Um VÍB

VÍB er eignastýringarþjónusta Íslandsbanka sem þjónar viðskiptavinum á sviði almenns sparnaðar, eignastýringar, verðbréfaviðskipta og lífeyrismála með fagmennsku að leiðarljósi.

VÍB er einn stærsti og öflugasti aðilinn á íslenskum eignastýringarmarkaði með hundruð milljarða króna í eignastýringu og vörslu fyrir tugi þúsunda viðskiptavina, allt frá einstaklingum til fagfjárfesta. Starfsmenn VÍB eru um 40 talsins og búa yfir fjölbreyttri menntun og  þekkingu á fjármálamarkaði.

Helstu samstarfsaðilar VÍB á sviði sjóðastýringar eru Íslandssjóðir, bandaríski sjóðastýringarrisinn Vanguard og DnBNOR Asset Management í Noregi.

VÍB er til húsa á 4. hæð á Kirkjusandi í Reykjavík og er opið frá 9:00-16:00 alla virka daga. Viðskiptavinir geta einnig nálgast þjónustu og vörur VÍB í öllum útibúum Íslandsbanka.